Qırğızıstanın Türkiyədəki səfiri Ruslan Kazakbayev Türkiyənin xarici işlər nazirinin müavini Burak Akçapar ilə görüşüb.
Qırğızıstan Xarici İşlər Nazirliyindən verilən məlumata görə, görüş zamanı siyasi, ticarət-iqtisadi, hərbi-texniki və mədəni-humanitar sahələrdə ikitərəfli əməkdaşlıq məsələləri müzakirə olunub.
Tərəflər, həmçinin 4 oktyabr 2023-cü il tarixində İstanbulda Qırğızıstan Xarici İşlər Nazirliyi ilə Türkiyə Xarici İşlər Nazirliyi arasında siyasi məsləhətləşmələr çərçivəsində əldə olunmuş razılaşmaların həyata keçirilməsinə dair müzakirələr aparıblar.