Fransada dərs ilinin başlamasına bir neçə gün qalmış UNICEF və Həmrəylik Aktorları Federasiyası “küçədəki uşaqlar” adlı hesabat dərc edib.
AZƏRTAC xəbər verir ki, hesabatda Fransanın Lion şəhərində 2000-dən çox uşağın küçələrdə yatdığı göstərilir. Qeyd olunur ki, uşaqların ən çox küçədə qaldıqları bölgə Overn-Ron-Alpdır.
Lion şəhər rəhbərliyi hamilə qadınlara və üç yaşından kiçik uşaqları olan tənha analara sığınacaq vermək üçün ailələri qəbul etməyə başlasa da, iyulun ortalarından dəstəyi dayandırıb.
Şəhərin rəhbərliyi hökumətlə müzakirələrdə bütün vasitələri sınadıqlarını, ancaq heç bir nəticə əldə edə bilmədiklərini bildirib.
