Ramin Məmmədov: İlahiyyat İnstitutunun qadın məzunları ölkədə dini təhsilə mühüm töhfələr veriblər
REGİONAL MƏTBUAT
12:25
26.08.2024
Baxılıb: 1948
Ramin Məmmədov: İlahiyyat İnstitutunun qadın məzunları ölkədə dini təhsilə mühüm töhfələr veriblər

Azərbaycan İlahiyyat İnstitutunun qadın məzunların ölkədə dini təhsil prosesinin təkmilləşdirilməsinə mühüm töhfələr veriblər.

 

"Report" xəbər verir ki, bunu Dini Qurumlarla İş üzrə Dövlət Komitəsinin sədri Ramin Məmmədov Misirin İslam Məsələləri üzrə Ali Şurasının 35-ci Beynəlxalq Konfransında çıxışı zamanı deyib.

 

“Maarifləndirmədə Qadınların rolu” mövzusuna həsr olunmuş konfransda Ramin Məmmədov ölkəmizdə qadın hüquqlarının müdafiəsi sahəsində həyata keçirilən dövlət siyasəti barədə məlumat verib. Sədr bildirib ki, Azərbaycan qadınları tarix boyu idarəetmə, elm, mədəniyyət və ictimai-siyasi sahələrdə taleyüklü məsələlərin həllinə mühüm töhfələr veriblər. Belə parlaq örnəklərdən biri də ərəb məhcər ədəbiyyatının ən sanballı tədqiqatçısı kimi Misir oxucusuna yaxşı məlum olan ilk azərbaycanlı ərəbşünas qadın, görkəmli şərqşünas alim Aida İmanquliyevadır.

 

Dövlət Komitəsinin sədri qeyd edib ki, Azərbaycan qadını bu gün də ölkəmizin ictimai-siyasi həyatında mühüm rol oynayır. Azərbaycan Prezidenti cənab İlham Əliyev qadınların hüquqlarının qorunmasını və onların cəmiyyət həyatında iştirak imkanlarının genişləndirilməsini dövlət siyasətinin prioritet istiqamətlərindən biri kimi müəyyən edib.

 

Azərbaycan Birinci vitse-prezidenti, Azərbaycanın Birinci xanımı, ICESCO-nun xoşməramlı səfiri Mehriban Əliyevanın çoxşaxəli fəaliyyəti Azərbaycan qadınının ictimai həyatda iştirakının ən yaxşı nümunəsi kimi qəbul olunur. Mehriban xanım Əliyevanın rəhbərlik etdiyi Heydər Əliyev Fondunun təşəbbüsü ilə mədəniyyət, təhsil, səhiyyə və digər sahələrdə həyata keçirilən layihələr ölkənin inkişafına, cəmiyyətin tərəqqisinə xidmət edir.

 

Azərbaycanda dini maarifləndirmə prosesində qadınların fəallığının təmin edilməsi istiqamətində aparılan işlər haqqında danışan R.Məmmədov İslamın qadına qazandırdığı hüquq və azadlıqlar barədə düzgün maarifləndirmə işinin təşkili məqsədilə Dövlət Komitəsinin din xadimləri, qadın təşkilatlarının rəhbərləri ilə birgə layihələr həyata keçirdiyini deyib. Komitənin tabeliyində fəaliyyət göstərən Azərbaycan İlahiyyat İnstitutunun qadın məzunlarının dini təhsil prosesinin təkmilləşdirilməsinə mühüm töhfələr verdiyini vurğulayıb.

 

R.Məmmədov Azərbaycan torpaqlarının bir hissəsinin Ermənistan tərəfindən işğal altında saxlanıldığı 30 ilə yaxın müddətdə dini-tarixi abidələrimizə, mədəni irs nümunələrimizə qarşı həyata keçirilən vandalizm aktları barədə məlumat verib. Qeyd edib ki, qazanılmış möhtəşəm qələbədən sonra ölkəmiz bütövlükdə regionun tarixində yeni səhifə açacaq sülh və əməkdaşlıq təşəbbüsləri ilə çıxış edir. Komitə sədri vurğulayıb ki, Azərbaycan dini və etnik mənsubiyyətindən asılı olmayaraq bütün icmaların dinc yanaşı yaşamasını təmin edən multikulturalizm və tolerantlıq modeli yaratmağa müvəffəq olub.

 

Dövlət Komitəsinin sədri tədbir çərçivəsində müzakirə edilən mövzuların qadınların maarifləndirmə sahəsindəki fəaliyyətinə dəstək olacağına inamını ifadə edib.

Digər xəbərlər
SON XƏBƏRLƏR
Estoniyada Rusiya vətəndaşlarının səsvermə hüququndan məhrum edilməsi təklif olunub
13:30
SOCAR Qarabağ və Şərqi Zəngəzurda görüləcək işləri açıqlayıb
13:25
Sabahın havası necə olacaq?
13:18
Ukrayna yalnız Avropa İttifaqının əvvəlcədən müəyyən edilmiş siyasi şərtlərini yerinə yetirdikdən pul alacaq
13:16
Yağıntılı hava məktəblərdə davamiyyətə təsir etməyib
13:11
Azərbaycan gömrükçüləri aksiz markasız siqaretlər aşkarlayıb
13:09
Minatəmizləmə fəaliyyəti üçün qiymətləndirmənin keçirilməsi ilk oxunuşda təsdiqlənib
13:07
Siyasi partiyaların maliyyələşdirilməsinə nəzarət üçün yeni qaydanın müəyyənləşməsi təsdiqlənib
13:02
Azərbaycanda dəniz nəqliyyatı ilə sərnişindaşımanın həcmi artıb
12:52
Bakıda Neft Emalı Zavodunda yanğın
12:48
Prezident İlham Əliyev “MAN Truck&Bus” şirkətinin baş direktorunu qəbul edib
10:47
Milli Məclisin deputatları Özbəkistanda parlament seçkilərini müşahidə edəcəklər
10:45
Lənkərançayda suyun səviyyəsində artım qeydə alınıb
10:37
Hikmət Hacıyev: BRICS qlobal idarəetmənin təkmilləşdirilməsinə və ədalətli dünya nizamına töhfə verir
10:35
Musa Qasımlı AMEA-nın Qafqazşünaslıq İnstitutunun direktoru vəzifədən azad edilib
10:30
AMEA-nın 2025-2030-cu illər üzrə inkişaf konsepsiyası və yol xəritəsi hazırlanacaq
10:22
“Gürcü Arzusu"nun təmsilçisi: Bizi sülh maraqlandırır, müxalif qüvvələrin təsirinə yol verməməliyik
10:21
Rusiya və İran arasında qarşılıqlı hesablaşmaların 96 %-də milli valyutalar istifadə olunur
10:17
Qərbi Azərbaycan Xronikası: “Ermənilər Çivə kəndindəki abidələri məhv etmişdilər”
10:13
BMT rəsmisi: Ermənistanın əsir götürdüyü itkin düşmüş bir neçə azərbaycanlının taleyinə aydınlıq gətirmişik
10:12