Yaponiya, ABŞ və Filippin birgə dəniz təhlükəsizliyini müzakirə etmək üçün üçtərəfli görüş keçirəcək.
Müvafiq razılıq Yaponiyanın xarici işlər naziri Takesi İvaya və onun filippinli həmkarı Enrike Manalo tərəfindən İtaliyada keçirilən G7 sammiti çərçivəsində keçirilən danışıqlarda əldə olunub.
Tərəflər dekabrda Tokioda görüşün keçirilməsi barədə razılığa gəliblər. Üçtərəfli danışıqlar belə formatda ilk olacaq.
Yaponiyanın xarici işlər naziri Takesi İvaya “NHK” telekanalına deyib: “Biz Cənubi Çin dənizindəki vəziyyət də daxil olmaqla beynəlxalq məsələləri və münaqişələri sülh yolu ilə həll etmək üçün fundamental dəyərləri və prinsipləri paylaşdığımız Filippinlə sıx əməkdaşlıq etmək istərdik”.
Bölgədəki bəzi ölkələrin Spratli arxipelaqı və qonşu Parasel adalarına iddiaları səbəbindən Cənubi Çin dənizində gərginlik davam edir. Bu mübahisəyə Çin, Vyetnam, Bruney, Malayziya və Filippin daxildir.
