İranda səfərdə olan, Ermənistanın Təhlükəsizlik Şurasının katibi Armen Qriqoryan İranın Xarici İşlər Naziri ilə də, görüşüb.  İran mətbu orqanları bildirir ki, görüş zamanı İranın Xarici İşlər Naziri Əmir Abdullahiyan bildirib ki, regional problemlərin həllində 3+3 formatı səmərəlidir. Xatırlatmaq lazımdır ki, bu format çərçivəsində Azərbaycan, Türkiyə, Gürcüstan, Rusiya, İran və Ermənistanın əməkdaşlıq etməsi nəzərdə tutulur. 

Abdullahiyan həmçinin onu da vurğulayıb ki,  beynəlxalq sərhədlərin qorunub saxlanması və ölkələrin ərazi bütövlüyünə hörmət edilməsinin vacibdir və həmçinin o əlavə edib ki, regional problemlər kənar müdaxilə olmadan region dövlətləri tərəfindən həll edilməlidir.

Ermənistan və İran arasında inkişaf edən əlaqələrdən məmnunluğunu ifadə edən Abdollahian  həmçinin qeyd edib ki, İran Qarabağdan olan qaçqınlar üçün Ermənistana humanitar yardım göndərməyə hazırdır.