Belarusda sakson millət vəkili Yörq Dornauya (Jörg Dornau) məxsus soğan tarlalarında həbsxana əməyindən istifadə oluna bilər. Partiya istintaqın başlanmasını alqışlayıb.
Dpa xəbər agentliyinin bazar ertəsi, oktyabrın 7-də verdiyi məlumata görə, Saksoniya federal əyalətinin prokurorluğu sağçı populist Almaniya üçün Alternativ (AfD) partiyasının üzvü Yğrq Dornauya (Jörg Dornau) qarşı ilkin istintaqa başlayıb. Saksoniya parlamentinin üzvü Belarusda soğan tarlalarında həbsxana işçilərindən istifadə etməkdə şübhəli bilinir.

Partiyanın regional şöbəsi Dornauya qarşı işin “faktlar əsasında” araşdırıldığını alqışlayıb. AfD-nin regional baş katibi Yan Zverq, "Biz müstəqil Sakson məhkəmə sisteminə güvənirik" dedi. Zverqin sözlərinə görə, mediada Dornauya qarşı ittihamlar əsasən “ziddiyyətlidir”: bəziləri məcburi əmək haqqında danışır, digərləri isə məhbusların işi “könüllü” yerinə yetirdiyini iddia edir. “İşin halları aydınlaşana qədər bizim təqsirsizlik prezumpsiyamız var”, - deyə siyasətçi vurğulayıb. Dornau özü nə DW-nin, nə də DPA-nın sorğusuna cavab vermədi.