Almaniyanın Şimali Reyn-Vestfaliya əyalətinin Duysburq şəhərinin polisi “Ağ nəhəng” adlı binaya genişmiqyaslı reyd zamanı 1400-dən çox insanın qeydiyyatda olduğu ünvana baxış keçirib. Binada yaşamayan, lakin ünvanlarını burada göstərən və sosial yardımdan yararlanan şəxslərin müəyyən edilməsinə cəhd edilib. Əməliyyat zamanı xeyli insan saxlanılıb.

400 zabitlə böyük əməliyyat
Duysburq meri Sören Linkin göstərişi ilə səhər saat 6-da başlayan əməliyyatda 400-ə yaxın təhlükəsizlik işçisi iştirak edib. 20 mərtəbəli 320 mənzilli binaya təhlükəsizlik qüvvələri ilə yanaşı, əcnəbilər idarəsinin və sosial yardım bölmələrinin əməkdaşları da qapı-qapı gəziblər.

Qeydiyyatda olanların çoxu binada yaşamır
Yoxlamalar zamanı binada 1414 nəfərin qeydiyyatda olduğu, lakin orada cəmi 591 nəfərin yaşadığı müəyyən edilib. Məlum olub ki, binada faktiki yaşamadıqları halda, uşaq pulu almaq üçün 300 uşağın yaşayış yeri qeydiyyatı burada saxlanılıb.

16 nəfər saxlanılıb
“Bild” qəzetinin məlumatına görə, ümumilikdə 16 nəfər saxlanılıb, onlardan 14-nün yaşayış icazəsi olmayan, 2-si isə deportasiya olunmaq üçün axtarışa verilib.

Mer Link: Qanunun aliliyi üçün yaxşı gündür
Duisburq Bələdiyyə Başçısı Link əməliyyatı "qanunun aliliyi üçün yaxşı gün" kimi xarakterizə etdi və bu cür yoxlamaların asayişi təmin etmək üçün davam edəcəyini vurğuladı.