Nazim Bayram Feysbuk səhifəsində İran-İsrail savaşı haqqında təhlil paylaşıb.
Olduğu kimi təqdim edirik:

 

İsrail təyyarələri Suriya və İraq səmasından(İran hüdudlarına girmədən) təxminən 1600 km məsafədən İranın bir neçə S-300 havadan müdafiə kompleksinin radiolokasiya stansiyalarını yüksəkdəqiqli zərbələrlə vurmuşlar.

Peyk-fotolar İranın havadan və raket hücümundan müdafiəsinin köhnəlmiş və zəif olduğu barədə geniş yayılan fikri təsdiq elədi.

Keçən dəfə bölüşdüyümüz qənaətlər özünü doğruldur.

Zərbə seriyasının davamı gözlənmir.

İran havadan müdafiəyə xərclərini artıracağını artıq elan elədi.

İsrail İrandakı hədəfləri vurmağa qadir olmasını nümayişlə bərabər ballistik raketlərdən müdafiəsinə xüsusi diqqət ayıracaq.

Ancaq artıq real gördük ki, genişmiqyaslı intensiv hava-raket münaqişəsində kütləvi yaylım atəşində istifadə olunan raket sayı havadan müdafiənin imkanlarını sayca həmişə aşacaq və vurulmayan hücum raketləri müdafiəni yaracaqlar.

Ballistik və başqa raketlərin kütləvi zərbəsi qarşısında havadan müdafiə sistemlərinin real effektivliyi əhəmiyətini itirir- kəmiyyət keyfiyəti basır.

Real müharibədə bu özünü belə göstərə bilər ki, İsrail(indi iddia elədiyi kimi) İranın bütün əsas radiolokasiya qurğularını vursun, sonra ikinci dalğa təyyarələr İrandakı hədəfləri vurmağa qalxsın, lakin hədəfləri vurub qayıdana kimi İran İsrailin aerodrom infrastrukturunu sıradan çıxartmış olsun, qonub yenidən sursat yükləməyə yer tapmasınlar. Ssenarilər birmənalı deyil.

Futbolda bəzən ənənəvi yaxşı yığmalar çempionata zəif müdafiə xətti ilə çıxırlar. Güclü müdafiə xətti yarada bilməyən baş məşqçi strategiyanı hücum üzərində qurur ki, komanda qol buraxsa da, özü daha çox qol vurub, hesabı xeyrinə dəyişsin.

Bənzər strategiya ilə İran İsraillə qarşılıqlı hava təhdidlərində bərabərlik yaratdı.

Hər iki tərəf “buraxsalar da, vurmağı” bacardıqlarını göstərdilər, biri kütləvi, digəri yüksəkdəqiqli zərbələrlə.

Növbəti toqquşma həlledici ola bilər.