Axiom Space və Prada ABŞ Aeronavtika və Kosmik Agentliyinin (NASA) Artemis III proqramı çərçivəsində Ay səthinə çıxacaq astronavtlar üçün yeni skafandrlar təqdim edib.
Artemida III Ay missiyası üçün hazırlanmış yeni skafandrlar təqdim edildi
Axiom Space-in internet saytında lüks geyim markası Prada ilə ortaq şəkildə hazırlanan paltarlar, NASA-nın Aya dönüş layihəsi olaraq bilinən "Artemis Proqramı"nın üçüncü ayağında astronavtların geyinmələri üçün yer aldı.

Açıqlamada kostyumların istiliyi əks etdirən və astronavtları həddindən artıq yüksək temperaturdan və Ay tozundan qoruyan ağ materialdan hazırlanacağı bildirilib.

Artemida III Ay missiyası üçün hazırlanmış yeni skafandrlar təqdim edildi

Açıqlamada paltarların kölgəli yerlərdə ən soyuq mühitdə ən az iki saat dayanıqlı qalacağı, astronavtların təxminən səkkiz saat kosmosda gəzintilər edə biləcəkləri ifadə edildi.

Axiom Space-in prezidenti Matt Ondler, sözügedən dizaynla bağlı dedi: "Bizim görkəmli komandalarımız innovativ həllər üçün yeni yollar yaradaraq skafandrların hazırlanmasını yenidən müəyyənləşdirdilər". dedi.

NASA sözügedən paltarın ilk prototipini 2023-cü ilin martında fərqli rənglərdə paylaşmışdı.

Artemida III Ay missiyası üçün hazırlanmış yeni skafandrlar təqdim edildi

Aya qayıdış: "Artemis proqramı"
NASA Aya dönüş layihəsi olaraq bilinən "Artemis Proqramı" ilə yenidən Aya astronavt göndərməyi hədəfləyir. Proqramın birinci mərhələsi olan "Artemis I" 2022-ci ilin dekabrında, Orion kosmik gəmisi Ay ətrafında turdan sonra Yerə qayıtdıqda tamamlandı.

Orion kosmik gəmisinin ilk ekipajlı missiyası olan "Artemis II" missiyasında astronavtların Aya enmədən Yerə qayıtmaları planlaşdırılır. Kosmik gəmi ilə bağlı təhlükəsizlik narahatlığı, həmçinin astronavtların kostyumları və eniş maşınları ilə bağlı problemlər səbəbindən 10 günlük səyahət 2025-ci ilin sonuna qədər təxirə salınıb.

Hər şey planlaşdırıldığı kimi getsə, proqramın son mərhələsi olan “Artemis III” missiyası 2026-cı ildə həyata keçirilə bilər.